Өнөөдөр Улсын Онцгой Комисс, Засгийн газар хуралдаж бүх нийтийн бэлэн байдлын зэргийг сунгах эсэхийг шийдвэрлэнэ.
Дотоодод коронавирусийн халдвар өдөр ирэх тусам нэмэгдэж, эх үүсвэр нь тодорхойгүй болон шинэ голомт үүссэн. Баянзүрх дүүргээс голомттой цар тахлын тархалтыг тогтоон барих зорилгоор нийслэлд 14 хоногийн хугацаатай хатуу хөл хорио тогтоосон. Энэ хугацаа лхагва гарагт дуусаж байгаа. Иймээс энэ хугацааг сунгах эсэх шийдвэрийг өнөөдөр гаргах юм.
Хөл хориог сунгах эсэх талаар Эрүүл мэндийн сайд Т.Мөнхсайхан өнгөрсөн бямба гарагт “Цаг үеийн нөхцөл байдал өдрөөс өдөрт өөрчлөгдөж байна. 11 байгууллага хамтран хийсэн эрсдэлийн үнэлгээгээр хөл хориог сунгах санал гарах магадлал өндөр байгаа” хэмээн мэдэгдсэн юм.
