Эрүүл мэндийн сайдын зөвлөх О.Чимидсүрэн “Манай улсад 2020.11.11-ний өдрөөс эхлэн 6 аймагт кластер халдвар гарч, Улаанбаатар хотод голомт идэвхитэй хэвээр байна. ДЭМБ-ын мэдээлснээр нууц үеийн дээд хугацаа 14 хоногийг 2 дахин авснаар 28 хоногоос дээш болсон тохиолдолд уг халдварын халдварлалт зогсож хумигдлаа гэж үздэг. Өнөөдрийн байдлаар Дархан-Уул, Орхон, Говьсүмбэр, Архангай аймгийн Батцэнгэл суманд халдварын голомт хумигдаад байна.
Хяналтад байгаа голомтын хувьд Дорноговь аймгийн Замын-Үүд, Сэлэнгэ аймгийн Сүхбаатар сум байна. Хамгийн идэвхитэй байгаа нь Улаанбаатар хот. Тиймээс 21 аймаг руу Улаанбаатараас халдвар тархах эрсдэл маш өндөр байна.
Өчигдөр ДЭМБ-ын гаргасан аргачлалын дагуу хамтарсан багууд эрсдлийн үнэлгээг хийхэд халдвар Улаанбаатар хотоос аймгууд руу тархах эрсдэл маш өндөр гэж гарсан.
