Амар зочид буудлаас иргэдийг өөр байр руу нүүлгэн шилжүүлж, ажилчдыг сольж байгаа нь 2 дох Энхсаран болж байна уу гэсэн хардлага иргэдийн дунд гарсан. Харин үүнд ЭМЯ-наас хариулт өглөө.
ХӨСҮТ-ийн Тандалт, судалгааны албаны дарга А.Амбасэлмаа: “Амар зочид буудалд байсан 5 хүн, Жаргалант зочид буудалд тусгаарлагдаж байсан 2 хүний гурав дахь давтан шинжилгээгээр коронавирус илэрсэн. Мөн Амар зочид буудалд үйлчилж байсан резидент эмчийн шинжилгээ эерэг гарсан учраас Амар зочид буудалд халдвар тархах эрсдэлээс сэргийлж 100 гаруй хүнийг өөр байр руу нүүлгэн шилжүүлж, үйлчилгээний ажилчдыг сольсон. Халдварын зөөвөрлөгдөн орж ирсэн нийт тохиолдол 406 болсон* гэв.
Мөн тэрбээр, Иргэд халдварт өртөх эрсдэлтэй. Халдвар тархах эрсдэл өндөр байна.Иргэд амны хаалт зүүж, гэр бүлээрээ цуглахгүй байх хэрэгтэй.Зочин урихгүй байхыг сануулъя. Хэчнээн уйдсан ч, уламжлал тогтсон ч гэртээ зочин урихгүй байх, хүүхдээ гадаа тоглуулахгүй байхыг анхааруулж байна гэсэн юм.
